| فمان الله يالبيت الحبيـب الغالـي. |
| يلي معك في كل الاركـان صـوره. |
| عشر وتقفاهـا عشـر بالتوالـي . |
| عشرين عام ضمني فـي سـوره. |
| هنـاك مجلـس عامـر برجالـي. |
| كـل النشامـا تدهلـه وتــزوره. |
| راعيه (ابويه) والشبـور طوالـي. |
| مكرم ضيوفـه والعـدا مدحـوره. |
| راعـي سمينـه ودلـه وفنجالـي. |
| وعلوم طيـب وفزعـه مخبـوره. |
| يالله عسالـه بجنـتـك منـزالـي. |
| ينعـم بجنـات النعيـم وحــوره. |
| اليـوم اودع منـزلـك يالغـالـي. |
| واخذ معي ذكرى هنا...؟محفـوره. |
| واتـرك دفاتـر همـي وغربالـي. |
| ودموع حـزن بالـورق منثـوره. |
| واقلام شعري ومجلسـي بلحالـي. |
| والليل لابـان القمـر فـي نـوره. |
| واغلى الطيوف اللي تجي على بالي. |
| اللـي معـي فغيابهـم وحضـوره. |
| ودامه محال انـه يـدوم الحالـي. |
| عساي اكـون بغيبتـي معـذوره. |
| وفمان الله يالبيت الحبيـب الغالـي. |
| يلي معك في كل الركـان صـوره |
