همـوم

 

العودة   منتديات شبكة رويال > الأســـــرة والــمـجــتـــمــع > أدم
همساتكم

 

الكلمات الدلالية (Tags)
.., ..!!, امريكا, بمرض, عندما, في, إعدادي
 

عندما تمرض في امريكا .. إعدادي ..!!

في شتاء العام الماضي كنت في امريكا لفترة طويلة لأنجز مهام كثيرة كان الشتاء قاسي فقد كنت في ولاية رود ايلاند المتجمدة وهي في الشمال الشرقي وكانت درجة

إضافة رد
 
LinkBack أدوات الموضوع
  #1  
قديم 28 / 06 / 2016, 18 : 11 AM
«°• SKY •°»
√ مراقب أقسام التربية والتعليم √

«°• SKY •°» غير متواجد حالياً

ذكر

♣ المزاج »
 My SMS || it's A Beautiful Day and I Can't see it..!!
أوسمتـــي ~
وسام رويال الذهبي وسام شكر وتقدير وسام خاص 
تاريخ التسجيل: 17 / 10 / 2006
المدينة: بعيــدا ًعن الارض
العمر: 36
المشاركات: 10,908
معدل تقييم المستوى: 22
عدد النقاط : 719
قوة الترشيح : «°• SKY •°» is a splendid one to behold«°• SKY •°» is a splendid one to behold«°• SKY •°» is a splendid one to behold«°• SKY •°» is a splendid one to behold«°• SKY •°» is a splendid one to behold«°• SKY •°» is a splendid one to behold«°• SKY •°» is a splendid one to behold
الدولة
افتراضي عندما تمرض في امريكا .. إعدادي ..!!

في شتاء العام الماضي كنت في امريكا لفترة طويلة لأنجز مهام كثيرة
كان الشتاء قاسي فقد كنت في ولاية رود ايلاند المتجمدة وهي في الشمال الشرقي
وكانت درجة الحرارة تصل إلى 20 تحت الصفر .. ولم يمر عليهم (مربعانية) بهذا الشكل منذ سبعين سنة .

يا زين الغبار عند الثلج .. اطلع للسيارة أجد عليها كميات كبيرة من الثلج
واحيانا لا استطيع فتح باب السيارة من الثلج .. غرابيل وحزن.

موية المساحات ما تشتغل لانها مثلجة ولو تنسى اي مشروب يتحول الى شيء
صلب ممكن تفلق به اي امريكي ( كافر ) عندما تمرض امريكا إعدادي ..!! 16 XD.png يا حبنا للشر.

المشروبات تبرد في الخارج اسرع من الثلاجة ..
الخشم لو تحكه او تحركه يمين يسار ممكن ينكسر لأنه غضروف
أو الأذن لو تدخل فيها مفتاح السيارة بتحكها ممكن تنخرم لانها يابسه ( حركات الاسبان ).

بعد غياب الشمس كأننا في مدينة اشباح .. ما فيه احد في الشوارع

وذات يوم ( صال علي ضرس العقل) بالليل .. وكلبش اثمي وما قدرت اشرب او اتكلم او آكل .. حاولت اتجاهله لكن لم يتجاهلني .. اقلقني ايما قلق وآلام كأنها آلام ولاده ( كنك مجرب ؟! ).

قررت اطلع للصيدلية الساعة 3 فجراً لاني عجزت انام، وعندما وصلت الصيدلية قلت لو سمحت يا دكتور ( قال ما نيب دكتور ) .. متعود العب على المصاريا بالصيدليات وانفخ راسه بكلمة يا دكتور ؛ فيعطيك كل شيء بدون وصفه .

قال وش فيك ؟ علمته .. قال انصحك بكرا تروح لمستشفى وابعطيك مسكن ضعيف، قلت ابي مسكن قوي .. قال ما اقدر !! ممنوع ممنوع ..

رجعت البيت ولا اخذت منه شيء .. وحاولت انام ما قدرت
الم رهيب .. لكن هل هذا وقته ؟؟ مسافر ابخلص اموري واروح اتمشى بولايات دافئه على الشواطيء واحط شمسيه وعصير برتقال على الطرف قطعة جح ..وشمسيه صغيره للكاس .. لكن الظاهر ان هالضرس بيخرب كل مخططاتي

فكرت بفكرة .. قلت ليش ما اتصل على (911 ) .. لاني شايف لهم برامج بالرياض ينقذون قطاوه متعلقات على شجر .. فقلت خلهم يعتبروني قطوتن من ضمن هالقطاوة .. ويجون ينقذون العتوي الكبير

توكلت على الله ودقيت ( 911 )
- 911 كيف ممكن اخدمك؟
* ضرسي يعورني مرررره ما اقدر افتح فمي ولا اكلت ولا شربت ولا اعرف مستشفى بالليل ولا ادل وانا اعاني من الام مبرحه ( لازم تسذب شوي وتبهير )..

- طيب تبغى ارسل لك اسعاف ؟
* اي والله ارسلي لي الله يعدي عنك .. تراي بلش ..

انسدحت بالصالة قلت يبي لهم 30 دقيقة لين يجون ولا لبست ولا استعديت ..
وانا في الصالة بيتي كان له نوافذ وكان على ثلاث شوارع .. بحيث اشوف كل الاتجاهات .. كان بيتي راس بلوك على قولت العقاريين

بدون مبالغة 4 دقايق إلا سيارة الاسعاف اشوف انوارها والسيفتي يولع ويطفي ووراها سيارة انقاذ مطافي يمكن طولها 10 متر ..

يلعن ابو بليسهم قلبوها جد .. مرسلين فريق انقاذ واخزياه كل ذولا طلعوا علشان ضرسي !!!!!
واطمر والبس البنطلون بدقيقة والكنادر واطلع لهم .. بغيت اقول كلفنا عليكم ..
جايين 3 رجال في الاسعاف .. ( السائق واثنين طواريء طبية )
وسيارة المطافي جايين ( 4 ) علشان لو كان وزني مثلا كبيررررر يصيرون يشقلوني او ما اقدر افتح الباب .. يفتحونه بطريقتهم ..
حاطين كل الاحتمالات ..

يوم شافوني فتحت وكلمتهم ، قالوا : تقدر تمشي؟
قلت : ايوه .. وانا امشي على ضروسي!!

قالوا حقين الاسعاف لحقين المطافي ..خلاص روحوا ..
جيت اركب الاسعاف لين رجليني ثلج وطين اسود .. والكنادر رابصه
طليت بالاسعاف .. يخرب بيتهم حلو وريحته احلى .. ازين من بيتي
ودي اسكن باسعاف

يوم ركبت قلت لهم افصخ كنادري قبل اطلع على السرير لاني خايف اوسخه ..
قالوا لا لا .. ما يحتاج اصلا بعد كل طلعة يتم تعقيم الاسعاف وتغيير كل شيء وتنظيف الارضية ..

ذكرت العجوز اللي بتطلع الطيارة وفصخت كنادرها عند الباب ..

بس قلت الاحتياط واجب بدال ما اهابد بكنادي على سريرهم ..

قعدوا يسولفون معي وطلبوا ( السوشل سكيورتي نمبر ) وهذا عادة يكون رقم تأمين للسكان في
امريكا فترة طويلة والامريكان في هذا الرقم كل معلومات الشخص ..
قلت ما عندي .. قالوا اوكي قالوا وش عندك قلت شغل ..

انطلقوا للمستشفى .. وقطعوا اشارات ودقايق ووصلت الاسعاف ..
جيت انزل قالوا لا .. خلك منسدح .. ياشين القروي اذا جته خدمات خمس نجوم .

وينزلون السرير وطيران لوسط المستشفى وقابلني ممرضات وش حليلهم
قعدوا يسألوني اسئلة كثيرة عن ملفي الطبي وقلت ما عندي اي شيء ..
انا عندي شغل شهرين وابرجع ..
قالوا : ما فيه مشكلة ..

قالوا تقدر تمشي .. قلت ايه .. اخذوني لصاله مليان عالم يونون
قلت يا ليل ما اطولك .. هالحين ابجلس انتظر لين يخلص كل هالعالم !!

اووووف .. جلست اتأفف
خمس دقايق إلا ينادون اسمي ( مباريوووو ساسوووو )

حاضر .. واطمر ويودوني غرفة فيها استشاري واخصائي وثنتين ممرضات

واشرح لهم الحالة .. قال الدكتور بنكتب لك اشياء توقف الالم وتعالج الالتهاب
واذا رجعت للرياض واستمر معك الالم .. اقلع ضرسك ..
لانه عملية .. ولا احنا مستعجلين ..

قلت اوكي .. وقعد يسألني الدكتور من وين انت ؟؟
ما قدر يعرف لان لغتي قوية وآكسنت امريكي ( مهوب عاقل توم كروز ).
قلت له من السعودية وانا متفشل ( داعش وارهاب وبلاوي ) هذي نظرتهم ..
قال انا كنت بالرياض الاسبوع الماضي .. عندي محاضرات في مستشفى .
المهم ارتحت انه يعرفنا .. وطلع وجلسوا الممرضات يسوون الاوراق ..
وقعدت اسولف معهن ..
طلعت وحده عايشه بالرياض .. يوم عمرها 12 سنة
قلت لها وانا اقول وين شايفك وين شايفك .. جلست تضحك ..
حسيت انها من بنات حارتنا ..

والثانية مع السواليف تقول لي وجهك مألوف لي .. انا قد شفتك في مكان ما..
طبعا هالحركة تلميح ودي اتعرف عليك .. للي ما يعرف تميلح الامريكيات
قلت لها يمكن شايفتني بفلم ؟؟ ضحكت ..
ومع السواليف والدفاء .. طاب ضرسي سبحان الله .. علشان كذا يقولون الممرضات ملائكة الرحمة .. يخرب بيت الضرس اثر علاجه الممرضات ..

جاء الدكتور مره ثانية وشافني منشكح ومنطلق واسولف واضحك ..
استغرب اني طبت بنص ساعة ..
قال : ممكن سؤال ولا تفهمني غلط ؟ قلت تفضل..

قال : انت ليش جاي باسعاف وقايلين حالتك حرجة ؟؟
قلت انا كنت تعباااااان مره ولا اعرف مستشفى واتصلت على 911
قعد يضحك ..

كتب لي العلاج واني اطلع ..

في هالوقت انا افكر بالفاتورة .. قلت بتجي ضربه قاضية
اسعاف وسيارة مطافي ودكاترة وممرضات حلوات .. كل هذا بثمنه $$$$$..

جهزت بطاقتي الائتمانية .. للشفط ..
يوم رحت عند مكتب الخروج .. قلت وش ادفع؟؟؟؟
قالوا : لا ما فيه شيء
قالوا مع مين جاي؟ قلت الاسعاف
قالوا بنطلب لك تاكسي ؟

ويطلبون لي سيارة وتاخذني للبيت .. وادخل واكل العلاج وانام ..

انا افكر لو اطلب اسعاف في الرياض علشان ضرسي ..
اتوقع يجوني المباحث ويقشوني ( ازعاج سلطات )

ما فيه شك اننا تطورنا بالخدمات الطبية لكن الغرب يتطور ايضا .. خدمات صاروخيه

رجعت السعودية .. وبعد فترة اتصلوا علي مكتب السكن وقالوا لك رسالة ..
قلت ارسلوها على عنواني بالرياض ..
طلعت فاتورة العلاج 800 دولار
الحكومة الامريكية تكفلت ب 560 دولار وقالوا ادفع 260 دولار بس
يعني الف ريال ..
وحاطين رقم .. وايميل ..
راسلتهم قلت انا بالسعودية الان .. قالوا اجل المرة الجاية
اذا جيت امريكا ( ادفع )

انا عرفت انها ما تسجل بالكمبيوتر مثل المخالفات المرورية او المطالبات المالية غير العلاج .. فواتير سكن او كهرباء او غيره ..

وفهمت ان اي واحد يروح علاج اسعاف ممكن الحكومة الامريكية تعالجه ..
وتدخله ضمن اي فئة علاج مجاني .. ان دفع خير وبركه وان ما دفع الله يحلله

رجعت ثاني مره لامريكا الصيف الماضي .. ولا احد كلمني عن القروش ولا كلمت احد .. وقلت الله يكثر خيرك يا اوباما .. ما قصرت ..
ولا دفعت الفاتورة الى الان .. ولا اظن ادفعها .. ذولا كفار قاتلهم الله انى يؤفكون.

المصدر: منتديات شبكة رويال - من قسم: أدم


uk]lh jlvq td hlvd;h >> Yu]h]d >>!! flvq

رد مع اقتباس
إضافة رد




جديد مواضيع قسم أدم
Currently Active Users Viewing This Thread: 1 (0 members and 1 guests)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

عندما تمرض في امريكا .. إعدادي ..!!



Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Search Engine Friendly URLs by vBSEO 3.6.0
new notificatio by 9adq_ala7sas
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

Security team


تحذير: استناداً لنظام مكافحة الجرائم المعلوماتيه بالمملكه العربيه السعوديه،
يجرم كل من يحاول العبث بأي طريقه كانت في هذا الموقع أو محتوياته.
( نبري أنفسنا أمام الله وأمام خلقه بما يحصل من تعارف داخل المنتدى )

 

RSS - XML - HTML  - sitemap - sitemap2 - sitemap3 - خريطة المواضيع - خريطة الاقسام

 

|